EHLG doit vivre !

<!– /* Font Definitions */ @font-face {font-family:Arial; panose-1:2 11 6 4 2 2 2 2 2 4; mso-font-charset:0; mso-generic-font-family:auto; mso-font-pitch:variable; mso-font-signature:3 0 0 0 16777216 0;} @font-face {font-family:SimSun; mso-font-alt:”Arial Unicode MS”; mso-font-charset:134; mso-generic-font-family:auto; mso-font-pitch:variable; mso-font-signature:0 0 0 0 0 0;} /* Style Definitions */ p.MsoNormal, li.MsoNormal, div.MsoNormal {mso-style-parent:”"; margin:0cm; margin-bottom:.0001pt; mso-pagination:widow-orphan; mso-hyphenate:none; font-size:12.0pt; font-family:”Times New Roman”; mso-fareast-font-family:SimSun; mso-bidi-font-family:”Times New Roman”; mso-fareast-language:AR-SA;} @page Section1 {size:612.0pt 792.0pt; margin:70.85pt 70.85pt 70.85pt 70.85pt; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} –>

Euskal Herriko Laborantza Ganbara xuritua da: azkarturik eta legeztaturik ateratzen da

1) Biziki berri ona da ! Euskal Herriko Laborantza Ganbarak, deretxoari buruz, legeari buruz, testu-inguruari buruz ematen ahal ziren argibide guziak eman zituen bere eginbidea eta bere osotasunean izana, eginbeharrak, antolaketa eta izena ez zitezen auziaren bidez deuseztuak izan. Xuritzea zen, beraz, igurikatzen ginuena. Xuritzea izan da auziaren ondorioa, eta jujen askatasuna zinez agurtzen dugu.

2) Ateka honetatik Euskal Herriko Laborantza Ganbara azkarturik ateratzen da. Sortu zen egunetik

hasirik gelditu ez diren erasoak jasan ditu; eraso horien arrazoina ez zen oinarri juridikoa baizik

legezko eginbide baten kontra egin nahia. Eta hala, Errobien Sindikataren kontra eman urratsak, hots, Euskal Herriko Laborantza Ganbararekin egin akordia hauts zezala, ez zuten nehungo deretxoaren oinarririk. Gauza bera, emaitzen zergen gutitzearen ahalaren kontra egin auzibidea dela-ta: hirugarren aldiz, baztertua izanen da; Euskal Herriko Laborantza Ganbarak Auzitegi Administratiboaren aitzinean Administrazio Fiskalaren aurka egin-eta, Bordaleko Helegite Auzitegian 2009ko martxoaren 17an « Rapporteur Public » delakoaren ondorioak jujeek ontzat ematen badituzte. Euskal Herriko Laborantza Ganbarak jada bietan irabazia zuen: auzi-lasterrean eta auzi normalean. Azkenik Eskualdeko Prefetaren entsegua Eskualdeko Kontseiluak hartu deliberoa (EHLGk egin behar zituen lan batzu laguntzeko xedetan) bertan beherea utz zezan, hutsean gelditu da Eskualdeko Lehendakariak eman arrazoin juridikoen aitzinean.

3) Konfiantza ematen dioten laborari guziak direla-ta Euskal Herriko Laborantza Ganbara

bozkariaturik da; kontent ere sustengu eraginkor eta eskergarria eman dioten jende guzientzat,

hala hautetsi nola hiritar soil. Justiziaren erabakia, egun 2009ko martxoaren 26ean,

demokraziaren garaipena da.

4) Euskal Herriko Laborantza Ganbararen nahikeria da orain, lehen bezala, laborantza iraunkor eta

herrikoi baten garatzearen alde bere kemena eta denbora osoa ematea, laborantza proiektu hori eranginkorra, erazkargarria eta berri-zalea baita. Bere xedea da laborariei esperantza eta geroari

buruzko konfiantza ematea, baita ere laborantzan plantatuko edo plantatu behar diren gazteen bide-lagun izatea, instalazionea ahalik eta hobekienik (jendetasuna eta ekonomia aldetik) gerta dadien. Administrazioneak bere ahaleginak egin ditu bide horretatik bazter gintzezen, baina EHLG bere lana segituko du, egungo erronka guzien barne-barnean baita (planetako erronka sozialak, ekonomikoak eta ingurumenari buruzkoak).

5) Nehoiz baino gehiago Euskal Herriko laborantzarako bereziki pentsatua den Erakunde Publiko baten beharra agertzen da, bete-behar honi Podere Publikoek erantzun beharra dute, eskakizuna

aldatu, desbaliotu, edo desbideratu gabe.

6) EHLG erakundeak jende guziarekin lan egiteko xedea duela baiezten du berriro ere, eta

oroitarazten du FDSEAk ba dituela erabiltzen ez dituen 10 toki EHLGren kudeaketa gunean.

7) Apirilaren 3an, 20:00etan, Ainhize-Monjoloseko gure egoitzan ospatuko dugu garaipen eder hau,

eta bertara komitatzen ditugu aldi zail honetan sustengua eta laguntza ekarri duten guziak

Karia hortara eskertuko ditugu eta aurkeztuko ere Euskal Herriko Laborantza Ganbaran egiten ari

diren eta egiteko diren lan-sailak, Euskal Herriko laborantza iraunkor eta herrikoiaren alde.

Euskal Herriko Laborantza Ganbara, 2009ko martxoaren 26a

Prensageria